الحب بعد الجواز

يا ترى كل الرجالة كده

عندى مشكلة و مش عارف أنا كدة لوحدى و لا فى ناس زىى

ليه دايما حاسس انى عاوز احب واحدة تانية غير مراتى

هو انا بحب مراتى جدا بالمناسبة و سعيد معاها جدا

بس هى مش أخر واحدة فى الدنيا و انا بحب الستات

و بعدين الستات ألوان و أشكال و الواحد كل شوية يشوف جديد ....البيضة و السمرا و الطويلة و القصيرة و التخينة و الرفيعة و الشمالو المؤدبة و الدلوعة و الجد 

و اللى بتحب الكورة 

و اللى بتحب الخروج و اللي بتحب السفر

و اللي بتحب العربيات و تتفرج على توب جير

و اللي بتحب العلم

و التافهه اللي ملهاش غير فى الدلع 

وسط كل دى مطلوب منى كراجل امشى ضد فطرتى اللى ربنا خلقنى عليها و مبصش لكل دول

ايوه ربنا خلق الرجالة بتحب الستات

مش مصدق

أكبر دليل على كدة أن جزاء المؤمنين فى الجنة ( اللى هيا مش محتاجة أى حاجة جمبها ) هو الحور العين....ستات

الواحدة من الحور العين لو بصقت فى البحر المالح تخلية عزب و مع ذلك ليك مش واحدة بل سبعين .....سبعييييين

إمرأة و احدة لا تكفى يا جماعة

المشكلة الحقيقية عندى انى محدش بقى يبصلى ....

ما أنا أصلى متجوز يعنى منفعش

بقيت محبوس فى الفريند زون لحد يوم القيامة

و تشوف البنت  بقت قريبة منك أكثر من غيرك و ع ذلك أنتا أخوها

و متحاولش تتغير علشان هاتخسرها

و تشوف الواحدة و هى طالعة من عينك ومتعرفش تنطق

بس تغير عليها من جواك

وتعاتب من بعيد علشان متحسش

ماهى لو حست هاتبعد

نعمل ايه فى المشكلة دى ...؟